Geguritan Sutardi MS Dihardjo | "Banjir"

BANJIR

Sutardi MS Dihardjo

Saben udan mesthi sambat

banjir kiriman ngelem plataran

mrambat-mrambat

mlebu omah nggrumut peturon

ngleleb sakehing perabot

ngleleb katentreman

Yen wis ngene sapa sing salah

udan nggrejih sawengi nutug

isih tambah sekesuk njepluk

apa pokalmu dhewe kang tanpa petung

mbabati wit-witan pengayom nggundhuli pereng

mung mburu bathi lan upeti

tanpa ngetung tembe mburi

Iki apa meneh

sawah-sawah ditanduri omah

thukul bocah-bocah gemrayah nambah bubrah

ngrayah papan-papan lindhung

kali diilangi jare pomahan ora kaya sawah

ora butuh kali kanggo ngoncori

ngerti-ngerti  ndhuwure wis madeg omah gedhong

kaya ngono kok diijini

beteke nampa bebungah

Delengen kae antarejo karo antasena mbambung

bingung arep bali mulih liwat lengkeng gunung

ambles bumi ketanggor loteng-loteng beton

sirahe babak bundhas sikile pincang

ngamuk punggung ngosak-asik dalan

nggasak wit-witan omah lan pekarangan

ndhadhal tanggul kang tansah digangsir

dikeruk dijarah pasir

banjir bandhang kabeh kentir

Anda sedang membaca kumpulan/contoh/artikel/puisi/sajak/pantun/syair/tentang/tema/bertema/judul/berjudul Geguritan Sutardi MS Dihardjo | "Banjir" dan anda bisa menemukan kumpulan/contoh/artikel/puisi/sajak/pantun/syair/tentang/tema/bertema/judul/berjudul Geguritan Sutardi MS Dihardjo | "Banjir" ini dengan url http://kumpulankaryapuisi.blogspot.com/2014/09/geguritan-sutardi-ms-dihardjo-banjir.html,anda juga bisa meng-click kumpulan/contoh/artikel/puisi/sajak/pantun/syair/tentang/tema/bertema/judul/berjudul Geguritan Sutardi MS Dihardjo | "Banjir" Tetapi dilarang merubah isi maupun mengganti nama penyair/pengarang nya karena bertentangan dengan HAKI, semoga anda ter-inspirasi dengan karya Geguritan Sutardi MS Dihardjo | "Banjir" salam Karya Puisi

Artikel terkait dengan kategori ini: