Showing posts with label Sajak Sunda. Show all posts

Monday, March 12, 2012

Puisi Sunda Tentang Kehidupan | Kahirupan Mak Anah

0 komentar Monday, March 12, 2012 Diposting oleh kumpulankaryapuisi

Kahirupan Mak Anah
Eddo Sy

Mak Anah tukang surabi
sore subuh satia nganti nu meuli
satuhu usaha ngadago rijki
ceuk paribasa najan ngan payu sasiki

Ma Anah dagang surabi
teuing geus ngaliwatan pirang rewu janari
aya rame aya sepi
kauntungan heunteu pasti

“Ema oge lin teu hayang jiga batur
ema yakin rijki mah aya Nu Ngatur
ku kituna heunteu kudu jadi catur
gede leutik ema tetep ngucap sukur”

Ma Anah tukang surabi
satia usaha nganti nu meuli
rek rame rek sepi
tetep sumujud ka Gusti.

Friday, March 2, 2012

Puisi Sunda Tentang Ibu | Puisi Sunda Indung

0 komentar Friday, March 02, 2012 Diposting oleh kumpulankaryapuisi

Indung

Ayatrohaedi

Iuh tanjung seungitna marganing wuyung
liuh indung perbawa nu cadu nundung
mun di dunya ngan aya indung jeung bapa
bakal bisa ngawasa sajagat raya
Ngan indung memeh miang dielingan,
“Lamun hirup ngan ngumbar karep sorangan
temahna poho ka indung
kaduhung nunggu di tuntung
nya hanjakal bakal jadi incu cikal.”

2001:88

Pamanggih
Ayatrohaedi

Salapan bulan ngakandung
Moal aya hiji jalma
leuwih ti indung micinta
indung gudang hampura
Salapan bulan dikandung
Moal aya hiji jalma
leuwih ti anak rumasa
anak gudang dosa
Salapan bulan ngakandung
Pinuh rasa jeung rumasa
Salapan bulan dikandung
Pinuh dosa jeung rumasa

2001:84

sumber : metasastra.wordpress.com

Saturday, February 19, 2011

Pantun Lucu Bahasa Sunda | Sisindiran Basa Sunda

0 komentar Saturday, February 19, 2011 Diposting oleh kumpulankaryapuisi

Pantun Lucu Bahasa Sunda

Aya roda na tanjakan, katinggang ku pangpung jengkol
Aya randa gogoakan, katinggang ku pohpor banpol

Batok kohok wadah huut, meuli eunteung jang bikeuneun
Budak montok gede hitut, nyeri beuteung, jeungjeuriheun

Kembang cula kembang tanjung, kembang sagala domdoman
Rek sabulan rek sataun, moal weleh diantosan..
[ Hendripamungkasred ]

Mulung tanjung tengah gunung, meunang cangkilung saguruntul
Nurus tunjung mbah dukun, ceunah nulung malah rahul

Pedah kuring kuralang kuriling, ucing ge'ring ngahariring
Tengah peuting jempaling jempling, kuring nyaring hayang ngising

Hayu mupu tiwu, ohan malah mobok pagu
Huntu linu murukusaunu, bongan tara ngosok huntu

Ka Jampang mawa pakarang, ajang pe'rang makalangan
Ka akang naha sale'mpang, akang sayang ngan ka yayang

Kaso pondok kaso panjang, kaso ngaroyong ka mimbar
Sono mondok sono nganjang, sono ngaloyor ka kamar

Saha we nu bade nyangke, kamari abdi nu ngajagi
Bebende nu hade hate, pamatri ati nu sajati

Colenak enak dicocol, Komo mun tambah kalapa
Beletak pitak ditakol , Poho mun sirah mitoha ..... Hampura abah teu dihaja!!!

Cikaracak ninggang batu, laun-laun jadi legok
Tai cakcak ninggang huntu, laun-laun nya dilebok..
[ Herdipamungkasred ]

Rincik rincang rincik rincang, aya roda na tanjakan
Sidik pisan sidik pisan, nyai teh bogoh ka akang..
[ Herdipamungkasred]

Cikaracak ninggan batu, Laun-laun jadi legok
Nincak ruhak dina batu,Laun-laun ngagorowok

Budak leutik bisa ngapung, Eta kalong ngrana
Botak saeutik jiga celempung, Asa hoyong ngarampa

Iwung bungkulna maju, nangka tangkalna dibabad
Indung tunggul rahayu, Bapak tangkal darajat

Daun hiris dibeungkeutan, dibawa ka juru leuiit
Anu geulis ngadeukeutan hayangeun dibere duit

Opat baris salah nyambung, mun tukang kakara ngabangun
Omat geulis ulah pundung, mun akang kapaksa nyandung

Aya listrik di masigit, caangna kamana - mana
Aya istri jangkung alit, hanyakal geuning waria

Sumber : ato suharto pantundanpuisisuharto.blogspot.com

Monday, February 14, 2011

Puisi Sunda Islami | Lagu Puja

0 komentar Monday, February 14, 2011 Diposting oleh kumpulankaryapuisi

Lagu Puja
Yous Hamdan

Gusti,
Ingkeun ieu kalbu sina ngalagu
ngawihkeun kangen ka Anjeun
Tiap renghap sadami-sadami
dihejah asma Anjeun hiji-hiji

Ya Rohman, Ya Rohim
Ya Basyir, Ya Hakim
Ya Wahid, Ya Majid
Ya syahid, Ya Rosyid

Dina Angin di Pucuk-pucuk daun
Kakuping lirih galindeng dawuh
Abdi tanggah neuteup pamenteu gaib
Dina ramat cahaya burit

Ya Gofar, Ya Qohhar
Ya Jalil, Ya Karim
Ya Zahir, Ya Batin
Ya Awwal, Ya Ahir

Dina kangen abdi sumujud
Jero kangen abdi nyaluuh
Bari ngedeng bari diuk
Biwir ngunyem panon kucup.

Sumber : Kumpulan Sajak Sunda "Kalakay Budah"

Monday, February 7, 2011

Puisi Sunda Romantis | Bulan Nineung, Bulan Nu Saha

0 komentar Monday, February 07, 2011 Diposting oleh kumpulankaryapuisi

Bulan Nineung, Bulan Nu Saha
Rosyid E. Abby

Bulan nineung
bulan saha
bulan pangharepan
bulan urang duaan

Bulan nineung
bulan saha
bulan karisi-kamelang
bulan lin nu duaan

Bulan nineung
bulan saha
bulan kuring
bulan anjeun

bulan katineung
bulan nu saha
bulan katineung
bulan duka nu saha

by-pass 17 juni 1992
Galura. No. 14 Taun ka-4, Minggu, 1 Juli 1992

Saturday, January 29, 2011

Puisi Tanah Sunda | Hikmat Sadkar

0 komentar Saturday, January 29, 2011 Diposting oleh kumpulankaryapuisi

Tanah Sunda
Hikmat Sadkar

Kawih tingtrim nu kamari
suling jeung jentreng kacapi
haleuang paku sarakan galindeng bujang jeung lanjang
kiwari geus ilang musna
geus tilem ku mangsa

Guruminda Sangkuriang geus jauh ti kacapangan
pohaci jeung widadari lir impian nu geus bari

aheng keneh dongeng sabrang
datang ti pentas lautan

deudeuh tanah gumelar
ti taun ka taun kalantar

Garut 1978
Tina Mangle No. 694, Taun XXII 2 Agustus 1979